去香港機鋪打街機
香港機鋪絕對是代表80-90年代的香港特色之一, 我諗現時廿幾歲以上的香港人都曾經響十幾年前學生時代迷過下去機鋪, 記住: 係"迷去機鋪", 唔係"迷打機" (迷打機係可以番屋企打任天堂). 中學時食午飯時間你去o左邊呀? 去機鋪. 放學後呢? 都係. 禮拜六日放假時約D Friend去玩前最好去邊度等? 都係機鋪. 事實上電子遊戲 (Video Game) 係由美國人發明, 佢和世上大部份事情一樣由日本人成功發展成年青人文化到今天是生活的必需品 (睇到D西裝友響地鐵打PSP就知) 經過了卅年的演變及無數類形Game種, 我們今天對打機雖已有了不同看法, 但試回想去機鋪打街機的日子, 從旺角靈機到窩打老道怪獸寶, 再到尖沙咀金星機鋪然後再彈去紅磡美國寶. 那時全港的機鋪都有共同的特色: 上圖的"九彩PIXEL"招牌, 暗黑的室內燈光和煙冒彌漫的環境, 跟機要擺兩蚊響Screen等, 都係你絕對不能在遊戲機原產地日本的機鋪找到的. 這類機鋪已漸少, 這幅照片是我在新浦崗拍攝的, 店名和店面彩色設計實在係絕配.
posted by PAN at 17:00
7 Comments:
哇，唔知我地有冇撞過，怪獸寶o係我學校附近，食晏成日去。
仲記得著住校服唔敢o係大門口入靈機，要走落麥當奴行後門再入......
《香港8X》個順嫂係住怪獸寶隔離幢大廈的，我細個又係住何聞填，成日經怪獸寶都會見到佢。
呢啲 pixel lightbox真係好正，可能受四三零影響，細個覺得呢啲嘢好鬼太空基地feel。
呢種地道 grid systems 機鋪招牌，真係一見就知乜事，隔幾條街都認得出！加上地道的「人取我取」風氣，久而久之，「Pixel 招牌」成為了機鋪業的 common visual language。
論 typo，鋪頭名分中又分得夠中，正！... ... 咦？！睇嚟嗰五隻大字仲唔係罐頭 typeface 㖭喎！帝皇式黃底紅字，再配以招牌底的十棧射燈仔，有豪華 feel，且略帶半點「撈味」，充份表達出企業和其話事人的獨特社會地位。
作者搵食之餘，仲可以咁心思細密，難得難得。
講開又講，其實呢類「機鋪 Pixel 招牌 style」都唔係後繼無人吖，「電形」自從換咗個撈稿之後，so far 都跟得唔錯啦！
怪獸寶！個到我見過有波動拳第一代係dup架個制！
怪獸寶好似執o左了
orz~
Thanks so much for this post, quite effective info.
new online games | full games direct | find easy games to play | make flash game | free games for pc
Post a Comment
<< Home